Nasser Al-Khelaifi është i interesuar për një klub italian. Pronari i PSG-së, po mendon të blejë klubin e Sampdorias sipas raportimeve të L’Equipe. Skuadra zhvilloi një sezon shumë të dobët dhe u rrëzua në Serie B pas 12 viteve të kaluara në elitën e futbollit italian.
Qatar Sport Investment po ndjek një projekt rritjeje dhe zhvillimi në vende të ndryshme. Dhe futja në futbollin italian është një mundësi që intrigon jo pak manjatët nga Katari. Al Khelaifi ka një miqësi me Andrea Radrizzani, presidentin e Leeds United, i cili po shqyrton mundësinë e një investimi te Sampdoria. Një lajm që gëzon tifozët xhenovezë, të cilët presin me padurim rikthimin e skuadrës së zemrës mes më të mirëve.
Jo vetëm kaq, sepse pak ditë më parë u raportua se emiri i Katarit po kërkon klube futbolli edhe në Brazil, teksa konfirmohet se i ka dorëzuar një ofertë në tavolinë klubit legjendar të Santos, ish-skuadra e mitikut Pele.
