Presidenti i SHBA-së, Donald Trump, u prit të martën nga kryeministrja e sapozgjedhur e Japonisë, Sanae Takaichi , për bisedime mbi mbrojtjen dhe tregtinë. Të dy udhëheqësit shkëmbyen shtrëngime duarsh të ngrohta në hyrje të Pallatit Akasaka përpara takimit të tyre të planifikuar 45-minutësh.
Sanae Takaichi falënderoi Donald Trump për “miqësinë e tij të qëndrueshme” me ish-kryeministrin japonez të ndjerë Shinzo Abe, i cili ishte mentori i saj.
“Mbeta e impresionuar dhe e frymëzuar nga ju”, i tha ajo Trump.
Nga ana e tij, presidenti amerikan e siguroi kryeministrin japonez se Uashingtoni është një aleat i Tokios “në nivelin më të lartë”, në një kohë kur SHBA-të po ushtrojnë presion mbi vendin e Diellit në Lindje për të rritur shpenzimet e tij të mbrojtjes.
“Gjithmonë kam pasur dashuri dhe respekt të madh për Japoninë. Dua t’ju siguroj se kjo do të jetë një marrëdhënie e privilegjuar. Ne jemi aleatë në nivelin më të lartë”, tha Trump.
Kryeministrja japoneze theksoi se dëshiron të hapë një “epokë të artë” të re në marrëdhëniet midis dy vendeve.
Takaichi ka shprehur qëllimin e saj për të nominuar Presidentin e SHBA-së Donald Trump për Çmimin Nobel për Paqen, tha zëdhënësja e Shtëpisë së Bardhë Caroline Levitt për gazetarët, duke konfirmuar raportet e mëparshme në median japoneze duke cituar një burim qeveritar.
Çmimi Nobel për Paqen është një dëshirë e zjarrtë e presidentit republikan të SHBA-së, i cili pretendon se ka përfunduar disa konflikte të armatosura në të gjithë botën që kur është kthyer në Shtëpinë e Bardhë.
“Në një periudhë kaq të shkurtër kohore, bota ka filluar të gëzojë më shumë paqe”, i tha kryeministrja e sapozgjedhur i Japonisë presidentit të SHBA-së gjatë takimit të tyre.
Japan’s new Prime Minister Sanae Takaichi greets President Donald Trump at the welcome ceremony in Tokyo.
Follow our blog for the latest news and analysis: https://t.co/APqGXPNCzL pic.twitter.com/Jozn6StCve
— Bloomberg (@business) October 28, 2025
j.l./ dita
