Manchester United i duhet një pikë për të siguruar zyrtarisht kualifikimin në Champions League për sezonin e ardhshëm. Dhe skuadra e Erik ten Hag po bën mirë, pasi e ka mbyllur në avantazh të dyfishtë pjesën e parë ndaj Chelsea.
Casemiro zhbllokoi takimin në minutën e 6’, ndërkohë që goli i dytë erdhi në limitet e fraksionit të parë. Jadon Sancho dhuroi një asist të bukur për Anthony Martial, i cili ndezi sërish festën e tifozëve të Manchester United. Pjesa e dytë solli përsëri thellim rezultati, me Fernandes dhe Rashford që e ëuan në 4-0 dhe në fund ishte portugezi Joao Felix që bëri golin e nderit për blutë. United shkon në 72 pikë dhe siguron zonën Champions në vendin e tretë, kur ka mbetur edhe një takim i Premier League.
Ndërkohë, i vetmi problem për trajnerin Ten Hag lidhet me dëmtimin e Anthony (kavilje). Braziliani u largua me barellë nga fusha dhe rrezikon seriozisht pjesëmarrjen në finalen e FA Cup përballë Manchester City (3 qershor).
