Testimet për licencat e reja profesionale në shëndetësi do të nisin javën e ardhëshme në datën 20 shtator. Janë afro 2 mijë infermierë të rinj që do të garojnë në këtë sezon nëpërmjet provimeve të shtetit për të siguruar lejen e ushtrimit të profesionit, çka më pas i hap udhë edhe punësimit në strukturat mjekësore të të gjitha niveleve, qofshin këto publike apo private.
Ditën e djeshme Qendra e Shërbimeve të Arsimit ka shpallur kalendarin me datat kur do të zhvillohen provimet e shtetit për secilin specialitet mjekësor, si dhe listën zyrtare të kandidatëve që do të zhvillojnë provimin e shtetit në profilin e mjekut dhe të infermierit. Sipas kalendarit do të jenë mjekët ata që do t’i nënshtrohen të parët provimit, përkatësisht në datën 20 shtator, ku do të garojnë 85 kandidatë. Ndërsa një ditë më pas, do të vijojë testimi për lejet e reja profesionale në profilin e infermierit. Për shkak të numrit të madh të kandidatëve që janë në garë (1946 kandidatë), për këtë specialitet provimet do të vijojnë për dy javë me radhë. Më pas ndërmjet datave 12 tetor, deri në 28 tetor testimet do të vijojnë për farmacistët e rinj, stomatologët, fizioterapistët, logopedistët, mamitë, si dhe teknikët e laboratorit dhe të imazherisë.
Autoritetet e Qendrës së Shërbimeve të Arsimit kanë shpallur datën dhe orën e përcaktuar të tetsimit për secilin kandidat. Kështu, në lidhje me orarin e pjesëmarrjes në provim, bëhet e ditur se edhe për sezonin e ri të tetsimeve ato do të jenë të përcaktuara për çdo kandidat dhe nuk do të ketë ndryshime orari përtej planifikimit të publikuar, çka do të thotë se nëse nuk do të paraqiteni në datën dhe orarin e përcaktuar specifikisht për ju sipas listës së shpallur në vijim të shkrimit, do të duhet të prisni sezonet e ardhëshme të testimeve për të garuar sërish për lejen e ushtrimit të profesionit. E ndërkohë nuk do të mund të aplikoni për vendet e lira të punës që mund të raportojnë strukturat mjejësore publike apo private që funksionojnë në vendin tonë.
Në ndihmë të bluzave të bardha që do testohen në këtë sezon, ekspertët e Qendrës së Shërbimeve të Arsimit kanë detajuar edhe fondin e mijëra pyetjeve nga të cilat do të përzgjidhen edhe pyetjet që do të jenë pjesë e tezës së provimit të licencës. Kështu, çdo kandidat mund të orientohet rreth përmbajtjes që do të ketë testi i licencës, duke u njohur me fondin e detajuar të pyetjeve që gjendet në faqen online të QSHA-së.
Gjatë paraqitjes për pjesëmarrje në provim, kandidati duhet të ketë parasysh dhe të zbatojë këto rregulla: të paraqitet pranë Qendrës së Shërbimeve të Arsimit 30 minuta përpara orarit të nisjes së provimit, teksa duhet të jetë i pajisur me Kartë ID ose Pasaportë (dokumenti origjinal) dhe kopje të tyre, faturën origjinale me vulën përkatëse, të pagesës së tarifës së provimit, të kryer në një bankë të nivelit të dytë bazuar në herën e pjesëmarrjes.
Kandidatët, të cilët nuk paraqesin këto dokumente, nuk mund të marrin pjesë në provimin e shtetit. Mungesa e një prej këtyre dokumenteve ju penalizon duke ju lënë jashtë testimit, çka do të thotë se duhet të prisni sezonet e vitit të ardhshëm për të hyrë sërish në testin e licencës, duke humbur kështu shanset për të aplikuar përgjatë kësaj periudhe për vendet e lira të punës në spitalet dhe qendrat mjekësore publike dhe private në vend. Për të qenë kalues në këtë provim duhet të siguroni mbi 50 pikë me përgjigjet e dhëna.
ASNJE VAKSINE!
sigurisht, sepse ata duan të na infektoj me mikroçipe e të kontrollojn mendjet tona